Wesleyan University

За өөрийнхөө сургуулийг товч танилцуулахаар шийдэв.

Wesleyan University нь 1831 онд нэг ерөнхийлөгч, нэг туслах багш, гурван професор-н хамт 48 сурагчаас жилийн 36 долларын төлбөр аван үйл ажиллагаагаа эхэлж байжээ. Америкийн ер нь хөгшин сургуулиудын нэг бөгөөд "liberal art" гэсэн тодотголтой сургууль буюу өөрөөр хэлбэл оюутандаа бүх талын мэдлэгийг өгдөг гэдгээрээ онцлог. Өнөөдөр 9 хүүхэд тутамд нэг багшыг хуваарилан ажиллаж, нийт 2837 сурагчдынхаа дунд 200 гаруй дугуйлан, оюутны клубыг санал болгож, "та орж л чадвал хүссэн төлбөрийг чинь бид даая" /need based scholarship/ гэсэн уриатайгаар ажиллаж байгаа.
USNEWS сэтгүүлийн 2011 оны жагсаалтаар бол Америкийн 12т бичигдэж байгаа бөгөөд Америкийн хамгийн үнэтэй 2дахь коллеж юм. 2010 онд нийт 41,3 сая доллар оюутнууддаа тэтгэлэг байдлаар олгосон бөгөөд тэдгээр оюутнууд нь дунджаар SAT дээрээ 2110 оноо авсан байх жишээтэй. Хараад байхад тэгээд би хамгийн суга нь юм шиг хааяа санагддаг нь ичмээр бас ямар азаар орсын гэж бодхоор инээд хүрмээр байдаг. Michelle Obama-н зээ дүү нь манай дотуур байрны найз маань бөгөөд, нөгөө муулаад байдаг Хятадууд чинь 2100, 2200 оноотойгоор орж ирсэн мөртлөө нэг ч долларын тэтгэлэг аваагүй гэж байгаа. Тэгээд чи яагаад ийм өндөр оноотой байж тэтгэлэг аваагүй юм гэж асуухаар орох магадлал буурах байх гэж айсан ч гэх шиг хаха. Хажууд нь тэхээр би гэж ичмээр л амьтан байгаам даа.

"Сувдан Эрэг" хэмээх алдартай киноны найруулагч Micheal Bay,  MTV-н ерөнхийлөгч Stephen Friedman, за тэгээд орой болгон бидний зурагтаар New Line Cinema гэж эхэлдэг тэрхүү кинонуудыг бүтээгчээс авхуулаад AIG(American International Group)-н үүсгэн байгуулагчдын нэг Houghton Freeman манай сургуулийг төгссөн байдаг. Ер нь хараад байхад кино урлагын тал дээр их алдартай юм шиг гэхдээ бас CSS(College of Social Studies), Economics нь гол зонхилох мэргэжил нь байдаг юм билээ. CSS хэмээх мэргэжил нь бол их алдартай бөгөөд нэг хүнээс хальт сонсохнээ Yale-н их сургуульд Мастерт авах өргөдөлд нь та Wesleyan CSS мэргэжилээр төгссөн үү гэсэн асуулт байдаг юм гэсэн.

За тэгээд мэдээж Америкийн том сургуулиудын нэг учраас хангамж гэдэг бол үнэхээр сайхан хэхэ. Одоо болтол сургуулиа бүрэн мэдэж амжаагүй л яваа... Өнөөдөр орой гэхэд л анх удаа кино театр-д орж үзэхэд манай Өргөө кино театрын танхимаас том тухлаг байсан нь намайг их гайхшруулав. Одоогийн байдлаар хичнээн ч бүжгийн заал байгааг нь мэдэхгүй, бассейн нь лав манай төв бассейнээс том, дуу бичлэгийн студи гээд л нэг үгээр хэлбэл байхгүй юм байхгүй. Юу дуртай вэ тэрийгээ хий л гэж байгаан. Заримдаа 2800 гаруйхан оюутанд ийм их юм хэрэгтэй юмуу гэж боддог ч гэсэн хамгийн өндөр төлбөртэй сургуулиудын нэг нь гэж бодхоор эсэргээрээ дутуу ч юм шиг хэхэ.

Ерөнхийдөө санаандаа байгаагаараа сургуулиа танилцуулвал нэг иймэрхүү л байна. Би тэгээд Эдийн Засгийн мэргэжил авах талаар бодож байгаа бөгөөд яг эцсийн шийдээ 2-р курсынхээ төгсгөлд гаргасан байх ёстой. За тэгээд сэтгэгдэл үлдээгээрэй манайхаан.

PS: алдаатай бичээд байгаад уучилж болгоогоорой.