Showing posts with label Home. Show all posts
Showing posts with label Home. Show all posts

2015/04/22

Ажилд орох тухай (consulting, investment banking)

Анх Wesleyan-д суралцахаар ирж байхад би эдийн засгийн мэргэжилтэйгээ холбоотой ямар нэгэн ажил хийнэ гэж боддог байсан боловч чухам ямар ажил хийхээ төдийлөн мэддэггүй байсан. Ерөнхийдөө “consultant” эсвэл “investment banker” болно гэж боддог байсан боловч хэрхэн тухайн ажилд орох ёстойгоо төдийлөн ойлголгүй явсаар 4-р курстээ орох намар жоохон сандарч байж ажилд орсон. Иймээс бусад АМОХ-ны гишүүд болон бусад Америкт сурч байгаа оюутнуудад өөрийн туршлагаас хуваалцая гэж шийдээд дараахь өөрийн гаргасан алдаа оноонуудыг бичив.



2012/05/31

Америкийн шилдэг их дээд сургуулиуд Монгол оюутнуудыг авч эхэллээ!


800 жилийн тэртээ Монгол морьны туурайн мөр үлдээгүй газар тун багахан байсан бол өдгөө харин Монгол хүмүүсийн оюуны мэлмий хараахан хүрч амжаагүй дэлхийн шилдэг сургуулиудын тоо асар их байсаар байгаа нь нууц биш юм. Тухайлбал бидний их л өрөвдөнгүй ярьдаг Африкийн орнуудаас Америкийн шилдэг их дээд сургуулиудад суралцах оюутны тоо Монгол оюутны тооноос хэд дахин их байдаг гэдэг бараг л хилсдэхгүй хэрэг.

2012/03/10

Америк Дахь Монгол Оюутны Холбоо


   Анх би сургуулиасаа хариу авчихаад гайхаж байсан зүйлүүдийн маань нэг нь тэнд ер нь Монгол оюутнуудын холбоо гэж байдаг болов уу? гэж бодож билээ. Харин одоо байдаг болсонд их баяртай байгаа. За тэгээд Америк Дахь Монгол Оюутны Холбоо буюу АМОХ-оо танилцуулахаар шийдлээ. (Association of Mongolian Students in America - AMSA) 

   АМОХ нь удирдах зөвлөлийн 7 хүний санаачлагаар 2011 оны 11 сард үүсгэн байгуулагдаж, одоогийн байдлаар бусад 120 гаруй нөхдийн хамтаар өөрсдийнхөө санаа бодлыг хуваалцах, хэрэгтэй мэдээллүүдээ хоорондоо солилцох, гишүүдийн нэгдсэн сүлжээг үүсгэх, чуулга уулзалтууд болон бусад олон төрлийн үйл ажиллагаануудыг зохион байгуулахаар байгуулагдсан төрийн бус байгууллага юм.

2011/10/27

Wesleyan University


За өөрийнхөө сургуулийг товч танилцуулахаар шийдэв.

Wesleyan University нь 1831 онд нэг ерөнхийлөгч, нэг туслах багш, гурван професор-н хамт 48 сурагчаас жилийн 36 долларын төлбөр аван үйл ажиллагаагаа эхэлж байжээ. Америкийн ер нь хөгшин сургуулиудын нэг бөгөөд "liberal art" гэсэн тодотголтой сургууль буюу өөрөөр хэлбэл оюутандаа бүх талын мэдлэгийг өгдөг гэдгээрээ онцлог. Өнөөдөр 9 хүүхэд тутамд нэг багшыг хуваарилан ажиллаж, нийт 2837 сурагчдынхаа дунд 200 гаруй дугуйлан, оюутны клубыг санал болгож, "та орж л чадвал хүссэн төлбөрийг чинь бид даая" /need based scholarship/ гэсэн уриатайгаар ажиллаж байгаа.

2011/10/18

Америкт очиж суралцья!


Америк гэхээр л хүрэхэд хэцүү оргил шиг санагдаж тэр ч бүү хэл хамгийн шилдэг сургуулиудад нь сурна гэдэг бүр хүрэмгүй оргил шиг манайханд санагддаг. Арга ч үгүй биз томоохон сургуульд сурахын тулд жилийн 50 гаран мянган долларыг гаргаж чадах Монгол өрх ховор. Гэтэл бид тэтгэлэгтэйгээр ямар ч мөнгө ядаж л чадах хэмжээнийхээ мөнгийг гаргаад суралцах боломж бүрэн нээлттэй байна. Монголчууд бид нарт Америкийн төдийгүй дэлхийн шилдэг их дээд сургуульд суралцаж төгсөөд хамгийн багадаа жилийн 70 мянган долларын цалинтай ажил хийх ч боломж байна.

2011/10/14

Мөрөөдлийн оронд 2дахь удаагаа

Хар багаасаа шахуу л Америк гэх нэртэй юм бүхнийг гайхан сонирхож хүн бүрийн Мөрөөдлийн орон, диваажингийн орон гэх мэт ярианд чихээ нааж сонсож өссөн билээ. Тийм ч болхоороо тийм юм уу эсвэл сайн найз Тэмүгэгээ хэдэн шалгалтуудыг сайн өгөөд өргөдлөө сайн гаргаж чадвал Америкийн гэлтгүй дэлхийн шилдэг их дээд сургуулиудад сурч болдог гэхэд нь шууд л итгэж билээ. Тэгээд л бөөн юм болж болж Улсын нэлээн том ирээдүйтэй СЭЗДС-д 3-р курст байсан хэдий ч хичээлийнхээ өмнө тэрхүү шалгалтуудын/iBT, SAT/ бэлтгэлийг тавиад чадхаараа л мэрийж эхэлсэн юм. Хааяа хааяа ингэж хамаг юмаа гаргуунд нь гарган байж бэлдчихээд орж чадахгүй бол яана гэж бодхоор хоолой дээр хар юм гарч ирэх шиг л болдог байлаа. Тэгээд л худлаа ч байсан юмуу үнэн ч байсан юмуу нэг бол Мөрөөдлийн оронлуу явна эсвэл үхнэ ч гэж бодох үе байсан.